Zjarr në Panaja, digjen ullinjtë shekullorë. Terreni i vështirë pengon zjarrfikësit

Aktualitet | 6 muaj më parë

Një vatër zjarri e fuqishme është aktivizuar mesditën e sotme, 29 prill, në ullishtet e fshatit Panaja, përgjatë aksit rrugor Vlorë–Fier. Flakët, të ndihmuara nga era, janë përhapur me shpejtësi duke përfshirë dhjetëra rrënjë ullinjsh, shumë prej të cilëve shekullorë.

Terreni i thyer dhe mungesa e rrugëve dytësore e kanë bërë të pamundur depërtimin e mjeteve zjarrfikëse deri në vatrat kryesore.

Ekipet e shpëtimit ndodhen në terren dhe po punojnë me mjete rrethanore për të vënë nën kontroll flakët.

Zjarri paraqitet kritik për shkak të përhapjes së shpejtë dhe rrezikut për dëmtimin e mëtejshëm të ullinjve shekullorë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.