Zjarret- Katër vatra aktive, në Pishë-Poro situatë e vështirë, flakët kanë marrë përmasa të mëdha

Aktualitet | 1 vit më parë

Katër vatra zjarri aktive janë në vend, nga dhjetë të tilla të identifikuara gjatë ditës së sotme (26 gusht). Ministria e Mbrojtjes bën me dije se është bërë e mundur shuarja e 6 vatrave, ndërsa situata duket problematike në Pishë-Poro të Vlorës. Flakët kanë marrë përmasa të mëdha, ndërsa në terren po punojnë forcat zjarrfikëse, AdZM dhe strukturat vendore, ndërsa në mbështetje janë angazhuar 4 helikopterë, 2 të Forcës Ajrore shqiptare dhe 2 të Emirateve të Bashkuara Arabe.

Zjarre aktive vijojnë edhe në Parkun Natyror Gërmenj (Kolonjë), në Pezë Helmës (Tiranë) dhe në Bogovë (Skrapar).

Ministria njofton se situata është nën monitorim të vazhdueshëm dhe se çdo resurs po vihet në dispozicion për të mbrojtur komunitetin dhe pasurinë natyrore të vendit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.