Zjarri përfshin pyllin me pisha në fshatin Gjinoqarë në Patos, forca zjarrfikëse në terren

Aktualitet | 1 vit më parë

Një zjarr i përmasave të mëdha ka përfshirë pyllin me pisha dhjetëra vjeçare në fshatin Gjinoqarë të Patosit.

Mësohet se era e fortë po bën që flakët të përparojnë në një terren shumë të thyer, duke e bërë të pamundur ndërhyrjen e mjeteve zjarrfikëse.

Në terren janë katër automjete zjarrfikëse nga Patosi dhe Mallakastra, por sipas burimeve nga repartet zjarrfikëse, ndërhyrja është e vështirë. Aktualisht po punohet me mjete rrethanore. Operacionit i janë bashkuar edhe banorë të zonës dhe punonjës të bashkisë.

Fatmirësisht, nuk rrezikohen banesat e fshatit, pasi pylli ndodhet midis fshatrave Gjinoqarë dhe Drenie.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.