Zyrtare: Trajneri i njohur kosovar merr drejtimin e Dukagjinit

Kosova | 2 vite më parë

Ismet Munishi është trajneri i ri i Dukagjinit, skuadër që militon në elitën e futbollit kosovar. Ka qenë vetë klubi nga Klina që ka bërë publik lajmin, përmes një njoftimi në rrjetet zyrtare.

“Sot në zyret e klubit tonë është nënshkruar kontrata bashkëpunimi me trajnerin e njohur Ismet Munishi, i cili ishte pjesë e disa skuadrave në Kosovë. Ismeti theksoj se është i gatshëm të udhëheqë ekipin ku premton punë dhe përkushtim maksimal, gjithashtu kërkoi mbështetje nga i gjithë qyteti i Klinës. Na prift e mbara, Ismet Munishi”, shkruhet në njoftim.

Ismet Munishi, një emër i njohur në Kosovë, pasi ka drejtuar më parë edhe skuadra si Ballkani, Prishtina, Gjilani apo Drita, zë vendin e Armend Dallkut në stolin e Dukagjinit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.