Një nga shqetësimet e SPAK është mungesa e bazës ligjore të administrimit të kriptovalutave. Këtë problematikë Klodian Braho e ngriti edhe para KLP, ku prezantoi raportin për vitin 2025.

Gjatë 2025 u sekuestruan pasuri në kriptovaluta në vlerën 12.4 mln euro, ndërsa Braho tha se mënyra e sekuestrimit të tyre është e njëjtë për çdo pasuri tjetër, por administrimi mbetet problem.

Sipas tij, deri më tani është dashur bashkëpunimi me autoritete të tjera për marrjen dhe mbajtjen e tyre të sekuestruara, ndërsa shtoi se kjo gjë duhet të ndryshojë në të ardhmen.

“Për sekuestrimin e 12.4 mln euro në kriptovaluta baza ligjore është e njëjtë si për çdo pasuri, nuk kemi pengesë për këtë, por problematikë kemi pasur mënyrën e administrimit të këtyre pasurive. Po punohet për përmirësim ligjor për administrimin e kriptovalutave. Praktika jonë e deri tanishme kemi bashkëpunuar me autoritete të tjera që na kanë ndihmuar në marrjen dhe sekuestrimin e tyre, pasi ka qenë e vetmja formë për mbajtjen e tyre. Shpresojmë që kjo të rregullohet”, tha Braho.

/rtsh.al/