Sot, më 24 mars, në ambientet e Ministrisë së Brendshme do të zhvillohet faza e intervistimit për kandidatët që garojnë për postin e Drejtorit të Përgjithshëm të Policisë së Shtetit.

Komisioni vlerësues, i përbërë nga zëvendësministrja e Brendshme Silva Caka, sekretarja e përgjithshme Kledia Ngjela dhe kreu i AMP-së Eduart Merkaj, ka shqyrtuar më herët dosjet e kandidatëve dhe ka përzgjedhur 14 emra për fazën e radhës.

Sipas raportimeve nga gazetarja Lusi Përgjegji, kandidatët do të intervistohen lidhur me interesin e tyre për drejtimin e Policisë së Shtetit, pas shkarkimit të Ilir Prodës.

Dy nga kandidatet në garë, Ejona Gurbardhi dhe Suela Sulkaj, nuk arritën të kalojnë fazën e parë të vlerësimit të dosjeve, pasi nuk ishin pjesë e Policisë së Shtetit.

Të gjithë kandidatët që kanë kaluar në këtë fazë janë emra të njohur brenda strukturave të policisë, shumë prej të cilëve kanë mbajtur më parë poste drejtuese.

Lista e plotë e kandidatëve:

Afrim Tafa

Alfred Çepe

Arjanit Arapi

Elidon Çela

Gentian Berberi

Gentjan Shehaj

Idajet Faskaj

Lorenc Panganika

Neritan Nallbati

Pëllumb Seferi

Rebani Jaupi

Saimir Boshnjaku

Skënder Hita

Tonin Vocaj

/rtsh.al/