Duke vënë theksin tek garimi me lista të hapura koalicioni “Djathtas për zhvillim’” do të shkojë në zgjedhje me 140 emra kandidatë.

Gjatë një komunikimi me median LZHK e drejtuar nga Dashamir Shehi dhe “Djathtas 1912” e Enkelejd Alibeajt, sqarojnë sesi do jetë procedura në përputhje me rregullat ligjore.

“Nga sot e tutje, nga java që vjen, qytetarët e Shqipërisë duhet ta dijnë që ne garojmë me lista të hapura. Të ashtuquajturit familjarë për të cilët u bë kaq zhurmë nga propaganda e dy partive të mëdha, që janë me lista të mbyllura, nuk janë më. Do t’i kërkonim opinionit publik dhe mediave që të zbulojnë familjarët dhe lidhjet me të cilët i kanë mbushur listat e mbyllura. Koalicioni ka në listat e veta mbi 10 përqind të kandidatëve nga diaspora. Shenjë kjo që ne i kemi repektuar angazhimin e diasporës për të qenë pjesëtarë aktiv në jetën politike dhe për t’u përfaqësuar me njerëzit e vet”, tha Shehi.

I rëndësishëm është edhe angazhimi i disaporës për të qenë pjesë e këtyre zgjedhjeve me votën e tyre, ndërsa në listat e koalicionit ’’Djathtas për Zhvillim’’ përfaqësohet me 14 kandidatë.

/rtsh.al/