Sjelljet agresive të qëllimshme dhe të përsëritura kundrejt dikujt që ka vështirësi të vetëmbrohet, po bëhen gjithnjë e më prezente në institucionet tona shkollore.

“Ka plot bullizim, kudo në çdo cep. Kanë qejf të tallen, i duket vetja të fortë”, tha një nxënës.

“Për dhunë dhe sharje janë shumë keq, bëhen grup dhe të shtynë nëpër mure ose tallen për ty”, u shpreh një tjetër.

Psikologët sqarojnë se komunikimet në rrjetet sociale përbëjnë një ndër faktorët kryesorë në gjenerimin e dhunës psikologjike apo fizike në ambientet shkollore.

“Një pjesë shumë  mirë e bullizmit është ajo që po përdoret sot në rrjet. Kjo është edhe arsyeja pse po masivizohet, për shkak se shpërndahet shumë shpejt sjellja bullizuese, viktimizimi”, tha psikologia Elona Mustafaraj.

Psikologët i sugjerojnë prindërve komunikim të vazhdueshëm për çdo problem që shqetëson adoleshentët apo fëmijët, pasi bullizmi mund të shkaktojë dëme serioze në rritjen normale fizike dhe psikike të fëmijës.

Gazetar: K.Toroveveci   

/rtsh.al/