300 ndeshje në karrierë, vlerësohet gjyqtari Enea Jorgji

Abissnet Superiore | 8 muaj më parë

Sfida Egnatia-Dinamo, që po transmetohet në RTSH Sport, ka një vlerë të veçantë për gjyqtarin Enea Jorgji. Kjo ishte ndeshja e 300-të në karrierë për arbitrin e njohur, që është vlerësuar në startin e takimit me një fanellë simbolike nga Presidenti i Shoqatës së Arbitrave, Tahir Kastrati.

“Shoqata përgëzon anëtarin e saj, Enea Jorgji, për arritjen e një momenti të veçantë në karrierën e tij – zhvillimin e ndeshjes së 300-të.

Me këtë rast, Presidenti i Shoqatës, z. Tahir Kastrati, i dorëzoi Jorgjit fanellën simbolike të këtij jubileu, si shenjë vlerësimi për kontributin dhe përkushtimin e tij ndër vite.

Është gjithmonë kënaqësi të vlerësohen anëtarët tanë në momente të tilla të rëndësishme.

Urime Enea dhe suksese të mëtejshme në rrugëtimin tënd profesional!”, shkruhet në njoftimin e Bashkimit të Arbitrave Shqiptarë të Futbollit.

Enea Jorgji

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.