Mali i Zi është një nga vendet kryesore të  përfshira në kontrabandën e cigareve në Bashkimin Evropian. Ky ishte paralajmërimi i dhënë nga Zyra Evropiane Kundër Mashtrimit (OLAF), e cila në raportin e saj të fundit të punës tregoi se në atë vend u kapën më shumë se 62 milionë cigare kontrabandë.

Në raportin e vitit të kaluar, OLAF deklaroi se operacionet e tyre konfiskuan mbi 616 milionë cigare të paligjshme në mbarë botën, duke përfshirë 333 milionë cigare të sekuestruara në kufijtë e jashtëm të BE-së ku pjesa më e madhe kishin si vend origjine kishte Malin e Zi.

“OLAF gjithashtu ndihmoi në sekuestrimin e 140 ton duhan të papërpunuar dhe gjashtë ton duhan pipe, duke parandaluar humbjet prej mbi 151 milionë euro për buxhetet kombëtare të BE-së dhe jo-BE”, thuhet në raport.

OLAF tha se kontrabanda e cigareve ishte një problem global, ku Turqia, Emiratet e Bashkuara Arabe dhe Mali i Zi janë mes tre vendeve të para për kontrabandën e cigareve.

“OLAF ka përvojë shumëvjeçare në ndihmën e autoriteteve kombëtare doganore në luftimin e tregtisë së cigareve kontrabandë në mbarë botën. Ajo gjithashtu ka përvojë të rëndësishme në ndihmën e autoriteteve për të gjetur dhe mbyllur fabrikat klandestine të cigareve që prodhojnë cigare të paligjshme dhe të falsifikuara,” thuhet në raport.

Në një rast nga viti 2023, OLAF thuhet se ka ndihmuar autoritetet të shpërthejnë një rrjet kriminal që prodhonte cigare të paligjshme në Spanjë dhe më pas i kontrabandonte ato nëpër Evropë. Rrjeti, thonë ata, kishte lidhje me Poloninë, Rumaninë, Greqinë, Italinë, Sllovakinë dhe Ukrainën.

/rtsh.al/