Kurti vizitë zyrtare në Maqedoninë e Veriut, takim bilateral me homologun Mickocski

Rajon | 2 vite më parë

Kryeministri i Kosovës Albin Kurti së bashku me ministrat e kabinetit qeveritar, do të zhvillojë një vizitë zyrtare në Maqedoninë e Veriut.

Gjatë kësaj vizite, Kurti do të zhvillojë një takim bilateral me homologun e Maqedonisë së Veriut, Hristijan Mickocski me të cilin do të diskutojnë rreth raporteve bilaterale, bashkëpunimit rajonal dhe projektet infrastrukturore me interes për dy shtetet.

Realizimi i kësaj vizite është dakordësuar më 20 korrik.

Vizita e Kurtit vjen pak ditë pas notës së protestës që Kosova i dërgoi Maqedonisë së Veriut për shkak të incidentit të ndodhur me Presidentin Vjosa Osmani në aeroportin e Shkupit, ku policia i kërkoi të dorëzonte çantën e dorës dhe telefonin celular për kontroll.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.