Reformimi i sektorit të inspektimeve nuk do të ketë në fokus gjobën, por këshillimin, gjë e cila do te mund të shmang abuzimin dhe korrupsionin. I ftuar në studio 24 në RTSh, kryeinspektori i përgjithshëm Shkëlqim Hajdari, theksoi se i një rëndësie është edhe reformimi i sistemit të karrierës pasi sipas tij më parë mund të emërohej inspektor pa arsimin përkatës dhe jashtë sistemit.

“Risit që parashikohet në këtë draft të përgatitur ka të bëjë me karrierën brenda strukturave të Inspektoriatit. Drejtuesi i një Inspektoriati Qendror do të bëhesh vetëm nga sistemi i karrierës dhe jo si funksionon deri më sot që me një emërim ti je drejtues në këtë sistem”. Prej vitit  2019 ne e kemi rregulluar procedurën dhe mënyrën se si duhet të shkojnë inspektorët për inspektim”, tha kryeinspektori i përgjithshëm Shkëlqim Hajdari.

Kryeinspektori  Përgjithshëm i Shtetit Shkëlqim Hajdari, tha se në draft parashikohet gjithashtu qe bizneset do të zgjidhen në bazë të analizës së riskut.

/rtsh/