Dhuro gjak, shpëto një jetë! Punonjësit e bashkisë Korçë dhurojnë gjak

Sociale | 2 vite më parë

Punonjësit e Bashkisë së Korçës i janë bashkuar sot thirrjes për dhurim gjaku, duke plotësuar një pjesë të nevojave të Spitalit Rajonal të Korçës për njësi gjaku.

Procesi i dhurimit është organizuar në hollin e bashkisë aty ku punonjës të Bankës së Gjakut kanë vendosur mjetet e nevojshme për kryerjen e dhurimit.

Ka qenë një numër i madh punonjësish të drejtorive të ndryshme pjesë e bashkisë Korçë të cilët kanë kryer këtë akt human, me dëshirën e mirë për të ndihmuar njerëzit në nevojë, por edhe në shenjë sensibilizimi për çdo qytetar që ka mundësi për të kryer këtë detyrim moral.

Banka e Gjakut në Korçë është në bashkëpunim të vazhdueshëm me institucionet e qytetarët për të siguruar sa më shumë njësi gjaku, të cilat janë mjaft të nevojshme për operacionet e ndryshme apo edhe për fëmijët talasemikë.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.