Greqi, përfundon projekti “Ishujt”, u ofruan 900 shërbime konsullore për emigrantët shqiptarë

Sociale | 3 vite më parë

Në Greqi përfundoi edhe për këtë vit projekti “Ishujt”. Përmes tij u është ardhur në ndihmë me shërbime konsullore emigrantëve shqiptare që jetojnë e punojnë në ishujt grekë të Egjeut, Kretës e Rodosit.

Ministri për Evropën dhe Punët e Jashtme, Igli Hasani bëri të ditur se gjatë muajve mars – prill, emigrantëve shqiptarë ju ofruan 900 shërbime konsullore duke reduktuar kostot dhe distancat e largëta.

Zoti Hasani tha se “ky është i katërti vit radhazi i zbatimit të projektit “Ishujt”, për ofrimin e shërbimeve për pajisje me dokumente biometrikë për bashkatdhetarët tanë”.

Ai tha se “Ministria për Evropën dhe Punët e Jashtme mbetet e angazhuar për të lehtësuar dhe përshpejtuar procedurat konsullore, për t’u ardhur në ndihmë dhe sa më pranë të gjithë qytetarëve shqiptarë kudo që ndodhen”.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.