Specialistët e Agjensisë së Zonave të Mbrojtura Gjirokastër dhe shoqata e Ruajtjes dhe Mbrojtjes së Mjedisit  Natyror në Shqipëri,   janë duke realizuar censusin ndërkomëtar të  shpendëve  dimëror në rezervuarin e Bulos. Sipas kreut të AZM Gjirokastër Grigor Dushi, ky mund të quhet habitati më i mirë për  jetesën e shpendëve, ndërsa në vitet e fundit është rritur ndjeshëm edhe lloji I tyre .

• Çdo vit përgjatë muajit janar ne  organizojmë çensusin e shpendëve dimëror në habitatet  e disa prej liqeneve si në zonën e Dropullit , konkretisht në fshatin Bulo ashtu  edhe në pikën turistike të Viroit .Nga vëzhgimi që kemi bërë me shoqatat  mjedisore  janë vërejtur se janë 11 lloje shpendë te reja të cilat I janë bashkuar këtij habitati.  Do karakterizonim  si  shpendë  të veçantë karabullakun e madh dhe rosa kere të cilat janë akomoduar në vitet e fundit pranë këtyre liqeneve. Nga ana tjetër  moratoriumi  I ndërmarrë prej disa vitesh ka minimizuar ndjeshëm edhe gjuetinë e paligjshme çka ka ndikuar në rritjen e numrit të shpendëve . Vëzhgimit të shpendëve I bashkangjiten dhe të rinjtë dhe jo më pak turistët gjatë  sezonit  veror .

 Liqenet e jugut në sezonin dimëror ,gjithnjë e më shumë po pasurohen me shpendët e egra , gjë e cila, po shihet ,si një kontribut i vlefshëm natyror edhe për sektorin e turizimit .