Partizani, kampion për herë të 16-të

Sporte të tjera | 3 vite më parë

Partizani është kampion i Shqipërisë në volejboll për meshkuj për sezonin 2023-2024, kjo për herë të gjashtëmbëdhjetë, ndërsa rikthehet tek ky trofe pas tre sezonesh. Me rezultatin e përgjithshëm 3-2, Partizani ka mundur në finale Tiranën duke shkurorëzuar skuadrën e Arben Sakos, që ishte kampione në fuqi.

Në finalen e fundit të kuqtë e Ylli Tomorrit kanë fituar 3-1. 25-16 seti i parë për Partizanin. 25-20 i dytë për të kuqtë. Kundërpërgjigjet Tirana në të tretin 15-25. Por më pas nuk ka histori.

Partizani fiton 25-21 dhe 3-1. Kupën kapitenit të Partizanit, Klodian Kasa, ia ka dorëzuar zëvendëspresidenti i Federatës Shqiptare të Volejbollit, Dashamir Brari.

Me kupën e kampionit të meshkujve ulet dhe sipari i sezonit 2023-2024 për të rritur e të rritura nën siglën e Skënderbeut dhe të Partizanit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.