Stina e pranverës konsiderohet si periudha më e përshtatshme për të zhvilluar udhëtime në natyrë.

Përmeti me peizazhet e tij të mrekullueshme natyrore ofron mundësi të shumta për turizmin malor.

Disa nga destinacionet më të preferuara janë mali i Dhëmbelit, Nemëçka, Postenani dhe Banjat e Bënjës.

“Kanë filluar përgatitjet, tashmë Përmeti ka një turizëm 12 mujor. Turizmi maksimal vjen në muajin mars. Përgatitjet kanë filluar që në muajin janar. Kemi përmirësuar kushtet duke shtuar ose pajisje të nevojshme për turizmin në të gjithë Përmetin dhe Këlcyrën”, tha operatori i turizmit, Julian Elezi.

Për tu ardhur në ndihme vendasve dhe vizitorëve, Fondi Shqiptar i Zhvillimit ka mundësuar vendosjen e tabelave orientuese.

“Fondi Shqiptar i Zhvillimit po vendos tabela orientuese për Kanionin dhe për të gjithë zonën”, theksoi ai.

Ndërkaq operatorët e turizmit  këshillojnë  shoqërimi e vizitorëve me guida të kualifikuara ose banorë të zonës, të cilët e njohin mirë terrenin dhe mund të sigurojnë një udhëtim të sigurt dhe të këndshëm.

Gazetare: L. Koçiu 

/rtsh.al/