Palestina akuzoi sot Izraelin se po vret palestinezët në Gazë për të ushtruar presion mbi bisedimet për një marrëveshje armëpushimi dhe shkëmbimi të të burgosurve.

 “Izraeli vazhdon vrasjet më të rënda të civilëve para gjithë botës, për pretendimet e ushtrimit të presionit ushtarak me kushtet e tij të bisedimeve në lidhje me marrëveshjen e armëpushimit në Gazë, ” tha Ministria e Jashtme palestineze në një deklaratë për mediat.

Ministria denoncoi heshtjen ndërkombëtare për masakrat izraelite kundër civilëve në Gaza dhe Bregun Perëndimor të okupuar.

“Një fund i menjëhershëm i luftës së shfarosjes (Izraelit) është garancia më e mirë për të vazhduar negociatat, ” theksohet më tej në deklaratë.

Ushtria izraelite nisi një fushatë ajrore befasuese në Rripin e Gazës më 18 mars, duke vrarë mbi 920 njerëz, duke plagosur më shumë se 2,000 të tjerë, dhe duke shkatërruar një marrëveshje për armëpushim dhe shkëmbim të të burgosurve që u mbajt në janar.

Më shumë se 50,200 palestinezë janë vrarë, kryesisht gra dhe fëmijë, dhe mbi 114,000 të plagosur në një sulm brutal ushtarak izraelit në Gaza që nga tetori 2023.

Gjykata Penale Ndërkombëtare lëshoi urdhër-arreste nëntorin e kaluar për Kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.

Gjithashtu Izraeli përballet me çështjet e gjenocidit në Gjykatën Ndërkombëtare të Drejtësisë për luftën e saj në Gazë.

/rtsh.al/