Kombëtarja U-15 luan dy miqësore ndaj Kroacisë më 8 dhe 10 prill në “Shtëpinë e Futbollit”

Kombëtarja | 2 vite më parë

Kombëtarja shqiptare U-15 do të zhvillojë dy ndeshje miqësore ndaj Kroacisë U-15. Federata e Futbollit ka arritur marrëveshjen me Federatën Kroate që këto dy përballje të luhen në “Shtëpinë e Futbollit”.

Takimi i parë do të zhvillohet më 8 prill, në orën 15:00, ndërsa ndeshja e dytë më 10 prill, në orën 10:00.

Kombëtarja U-15 do të nisë grumbullimin të dielën, ndërsa trajneri Armand Dama pritet të publikojë së shpejti listën me emrat e lojtarëve të ftuar.

Dy sfida të rëndësishme për stafin teknik të Kombëtares U-15, të cilat do të shërbejnë për të vëzhguar dhe testuar futbollistët e grumbulluar për dy përballjet ndaj Kroacisë U-15.

Kombëtarja U-15

kroacine

Miqesore

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.