Elbasani prish festën e Egnatias

Abissnet Superiore | 2 vite më parë

Në ditën e inaugurimit të stadiumit “Arena Egnatia”, Elbasani ka arritur të marrë një fitore të rëndësishme, 2-1 përballë Egnatias, duke prishur kështu festën e rrogozhinasve dhe duke ëndërruar për një vend në “Final 4”.

Në këtë sfidë të javës së 33-të të “Abissnet Superiore”, gjithçka u zhbllokua në fundin e pjesës së parë me dy gola të shpejtë, Joel 43’ dhe Tsague 45’.

Në pjesën e dytë përpjekjet e rrogozhinasve janë më të shumta, gjejnë golin në minutën e 58-të me Bakayoko, por që anulohet për një pozicion jashtë loje.

Në fundin e takimit është akorduar një 11-metërsh për Egnatian, i kthyer në gol nga Fernando për rezultatin përfundimtarë të kësaj sfide, 1-2.

Me këtë fitore Elbasani ngjitet në kuotën e 46 pikëve, duke “kërcënuar” Partizanin e vendit të katërt. Ndërkohë, Egnatia mbetet në kuotën e 58 pikëve, në vend të parë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.