E Mërkura e Javës së Madhe të Pashkëve! Në të gjitha kishat Ortodokse kryhet Misteri i Efqelisë

Aktualitet | 2 vite më parë

Të Mërkurën e Javës së Madhe të Pashkës, në të gjitha kishat Ortodokse në vend, u krye Misteri i Efqelisë.

Në Tiranë, në Katedralen “Ngjallja e Krishtit”, shërbesa u kryesua nga Kryepeshkopi i Tiranës dhe gjithë Shqipërisë, Fortlumturia e Tij, Imzot Joani.

Efqelia është një nga shtatë Misteret kryesore të Kishës Ortodokse, e njohur ndryshe edhe si lyerja me vaj e besimtarëve. Kjo shërbesë përmban një lutje të veçantë për shërim dhe mëshirë, ndërsa besimtarët mirosen me vaj të bekuar për shëndetin e shpirtit dhe të trupit.

Përmes këtij misteri, ata marrin hirin e Shpirtit të Shenjtë, i cili pastron shpirtin, forcon besimin, sjell bekim, zbut zemrat dhe i përgatit për të pritur me lutje dhe gëzim ditën e Ngjalljes së Krishtit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.