Zgjedhja e Drejtorit të RTSH, nisin dëgjesat me 12 kandidatët e përzgjedhur nga Këshilli Drejtues

Aktualitet | 2 vite më parë

Kjo e mërkurë do të sjellë nisjen e seancës dëgjimore të kandidatëve të përzgjedhur nga Këshilli Drejtues për Drejtorin e ri të Radio Televizionit Shqiptar.

Faza e prezantimit të platformave të kandidatëve do të zhvillohet në një seancë publike, duke filluar nga ora 11:00 në Sallën e Mbledhjeve, pranë ambienteve të Radio Televizionit Shqiptar.

Seanca dëgjimore do të transmetohet drejtpërdrejt në kanalin RTSH 24.

Secili kandidat do të ketë në dispozicion 15 minuta për paraqitjen e platformës dhe 15 minuta për pyetje-përgjigje me anëtarët e Këshillit Drejtues.

Pjesëmarrja e publikut dhe përfaqësuesve të medies në këtë proces është e mirëpritur, në respekt të parimit të transparencës dhe procesit të drejtë të përzgjedhjes.

Gazetare: Flutura Tota

/rtsh.al/

Keshilli Drejtues i RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.