Ekuador, rrëmbehen gruaja dhe djali i futbollistit Jackson Rodriguez

Futboll Bota | 2 vite më parë

Gruaja dhe djali 5-vjeçar i futbollistit ekuadorian, Jackson Rodriguez janë rrëmbyer. Sipas policisë lokale, disa persona hynë në shtëpinë e tyre në kërkim të mbrojtësit të Emelec, i cili u tha hetuesve se ishte fshehur nën një shtrat kur dëgjoi se dera e përparme e shtëpisë ishte thyer.

Kriminelët fillimisht vodhën bizhuteri dhe sende të tjera me vlerë, më pas rrëmbyen gruan dhe djalin e Rodriguez pasi e pyetën gruan nëse futbollisti ishte në shtëpi. Sipas policisë, Rodríguez pa nga një dritare individët që iknin me një kamionçinë gri.

“Rrëmbimi ndodhi rreth orës 3 të mëngjesit të djeshëm, të mërkurën, 23 prill, në qytetin bregdetar të Guayaquil”, tha shefi i policisë Edison Rodriguez. Muajt e fundit, Ekuadori është goditur nga një valë dhune dhe qeveria ka shpallur një gjendje të jashtëzakonshme.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.