Mbyllet Panairi “Ditët e Bujqësisë”, mbi 100 kompani morën pjesë. Fokus eksportet dhe investimet

Ekonomi | 2 vite më parë

E premtja ishte dita e fundit e Panairit të Bujqësisë, i zhvilluar në qytetin e Lushnjës. Gjatë tre ditëve të këtij eventi të rëndësishëm, morën pjesë mbi 100 kompani shqiptare dhe të huaja, të cilat patën mundësinë të promovonin produktet e tyre.

“Ditët e Bujqësisë” është një platformë që synon të lidhë agrobizneset dhe sipërmarrjet me ekspertë të industrisë, fermerë dhe investitorë nga vendi dhe rajoni.

Për të katërtin vit radhazi, “Ditët e Panairit” u fokusuan kryesisht në eksportet e prodhimeve bujqësore, bujqësinë e qëndrueshme, si dhe në rritjen e standardeve të agrobizneseve dhe sektorëve të tjerë të përfshirë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.