Ministri i Jashtëm sirian ngre flamurin e ri në selinë e OKB-së

Botë | 2 vite më parë

Ministri i Jashtëm i Sirisë, Asaad al-Shaibani ka ngritur flamurin e ri të vendit të tij në selinë e Kombeve të Bashkuara në Nju Jork, në atë që ai e ka cilësuar si një moment “historik”.

Shaibani ka ngritur flamurin e ri sirian me tre yje të miratuar zyrtarisht përpara ndërtesës së Kombeve të Bashkuara në Nju Jork, pas përmbysjes në dhjetor të sundimtarit të gjatë Bashar al-Assad.

Në një intervistë me transmetuesin e Katarit Al Jazeera, Shaibani thotë se ngritja e flamurit të ri është një hap që “sirianët e prisnin për 14 vjet” që kur Assadi shtypi protestuesit paqësorë, duke ndezur një luftë civile.

Lëvizja “nuk është vetëm një hap simbolik”, por “përshëndet kujtimin e popullit sirian dhe kurorëzon fitoren e tyre”, shtoi ai.

/rtsh.al/

flamuri

okb

siria

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.