Policia ka bërë të ditur se në zonën e “Ali Demit” ka pasur një konlfikt fiizik midis disa personave ku është dëmtuar edhe xhami i zyrës së një subjekti politik, ndërsa janë gjendur dy plumba të paplasur.

“Rreth orës 14:00, në sallën operative të DVP Tiranë ka ardhur një telefonatë se në rrugën “Ali Demi” kishte një konflikt midis disa shtetasish, në ambientet e një zyre elektorale.

Gjatë këqyrjes së vendit të ngjarjes, është konstatuar i dëmtuar dyshohet  me sende të forta xhami i zyrës së subjektit elektoral”, bën të ditur policia.

Nisur nga këqyrja e vendit të ngjarjes, policia shpjegon se janë gjendur edhe dy plumba të paplasur.    

“Po nga këqyrja e vendit të ngjarjes, janë konstatuar dy fishekë luftarak të paplasur. Menjëherë në vendin e ngjarjes, kanë shkuar forca të shumta policie dhe grupi hetimor. Vijon puna për identifikimin dhe kapjen e shtetasve të përfshirë në konflikt, të cilët janë larguar nga vendi i ngjarjes me një automjet.

Në drejtimin e Prokurorisë vijon puna për zbardhjen e motivit të konfliktit dhe dokumentimin e rrethanave të rastit”, thekson policia.

/rtsh.al/