Vllaznia nderon emrat e shquar të historisë së saj

Abissnet Superiore | 2 vite më parë

Vllaznia nderon emrat e shquar të historisë së saj. Pasditen e djeshme, para ndeshjes së veteranëve kuqeblu me ata të Real Valladolid, janë nderuar me çmimin “Mirënjohje” edhe 5 figura të njohura të futbollit shkodran.

Ferid Borshi, Bardh Jera, Rudi Vata, Kujtim Shaba dhe Suad Lici janë vlerësuar me këtë çmim mirënjohjeje për kontributin e dhënë ndër vite me fanellën e Vllaznisë.

“Të vendosur për të ecur përpara drejt sukseseve të reja, por edhe për të kthyer kokën pas për t’u thënë faleminderit të gjithë atyre që kontribuan për lartësimin e emrit të madh të Vllaznisë”, shkruhet në postimin e klubit shkodran.

Miqësorja e veteranëve është fituar nga spanjollët e Real Valladolidit me rezultatin 2-0.

vllaznia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.