Këtë të shtunë Himara çeli sezonin turistik, me nisjen e një sërë aktivitetesh, duke u kthyer në epiqendrën e festimeve.

I pranishëm në këtë ceremoni është edhe kryeministri dhe njëherësh kryetari i Partisë Socialiste, Edi Rama.

Gjatë fjalës së tij në çeljen e sezonit turisitik në Himarë, kryeministri Edi Rama është ndalur te çështja e titujve të pronësisë, ku tha se puna do të vijojë edhe pas fushatës.

“Ne do të vazhdojmë të punojmë, të përpiqemi, të shtyjmë përpara dhe gjëja më e mirë në këtë terrtitor ka rënë një qetëso dhe ndihet një energji pozitive. Pas mbylljes së fushatës, të fokusohemi te punët që duhet të vazhdojmë në këtë territor. Kemi mbyllur një pjesë të çështjes së pronësisë me shtëpitë e vjetra, por e di shumë mirë që puna vazhdon me pjesë të tjera që kanë të bëjnë me pronësinë.”

Duke falënderuar me kryebashkiakun Vangjel Tavo për bashkëpunimin, Rama foli për projektet e reja në këtë zonë, nga krijimi i sheshit kryesor, te parking i makinave.

“Kemi folur me Vagjelin për qendrën e Himarës. Nuk e ka një qendër, ka një tmerr aty. Kemi folur për parkingun e madh nëntokësor te Stadiumi. Do të bëjmë një gjë spektakolare me parkingun. Kemi folur për Borshin, për zonat e tjera. Dhërmiu do të jetë komplet tjetër falë punës së Mirelës dhe Vangjelit, janë të dy gjirokastritë.” tha Rama.

/rtsh.al/