Berisha në SPAK për “detyrimin e paraqitjes”, GJKKO shqyrton kalimin ose jo të dosjes për gjykim

Aktualitet | 1 vit më parë

Kreu i Partisë Demokratike Sali Berisha do të paraqitet mëngjesin e kësaj të hëne (5 maj) në Prokurorinë e Posaçme në përmbushje të detyrimit të paraqitjes përcaktuar nga SPAK për dosjen “Partizani”.

Po ditën e sotme, Gjykata e Posaçme do të përcaktojë gjithashtu nëse kjo dosje do të kalojë apo jo për gjykim, proces i cili vijon të shtyhet prej gjashtë muajsh, ku shkak janë bërë mungesa e avokatëve, si dhe së fundmi kërkesa e palës mbrojtëse për përjashtimin e gjyqares Flojera Davidhi, të cilën e akuzojnë për njëanshmëri në vendimmarrje.

Sali Berisha ndodhet aktualisht në masën e sigurisë “detyrim paraqitje” për akuzën e korrupsionit pasiv, ndërsa Malltezi është në “arrest shtëpie” për korrupsion pasiv dhe pastrim parash. Çështja lidhet me hetimet për privatizimin e ish-klubit sportiv “Partizani”.

/rtsh.al/

gjkko

sali berisha

SPAK

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.