Misioni i përfunduar për Interin që mundi Barcelonën 4-3 në kohën shtesë dhe është finalisti i parë i Champions League 2024/2025. Në ndeshjen e dytë gjysmëfinale të luajtur në “San Siro”, në fakt, zikaltërit ia dolën të realizojnë objektivin pas barazimit 3-3 në ndeshjen e parë, duke fituar vendin në finalen e Mynihut në një ndeshje plot emocione, rikthime dhe kundërkthime.

Njeriu më i pritur për të qenë vendimtar në pjesën e parë ishte kapiteni Lautaro Martinez, i cili fillimisht zhbllokoi ndeshjen (21′), më pas fitoi penalltinë e shndërruar në gol nga Calhanoglu (45’+1′).

Në pjesën e dytë, megjithatë, katalanasit shkurtuan diferencën me Eric Garcia (54′), barazuan me Dani Olmo (60′) dhe kompletuan rikthimin me Raphinha (87′).

Por në limitet e sfidës ishte Acerbi (90’+3′) ai që gjeti rrugën drejt golit të barazimit që bëri që Interi të zgjaste ndeshjen në kohën shtesë ku Frattesi (99′) gjeti golin e fitores.

Kapitulli i fundit do të zhvillohet më 31 maj në Allianz Arena kundër njërit prej PSG dhe Arsenalit (skuadra franceze fitoi 1-0 në ndeshjen e parë).