Flamurtari në “Abissnet Superiore”, me synime serioze do të thotë edhe investime të rëndësishme. Kështu është shprehur për RTSH Sport, presidenti i skuadrës vlonjate, Sinan Idrizi. Ai ka konfirmuar se investimi do të prekë fushën, tribunën qëndrore, vendosjen e orës elektronike si edhe ambjentet e tjera të stadiumit. Idrizi premton se gjithçka do të jetë gati në muajin gusht, kur edhe nis sezoni i ri futbollistik

“Do të bëjmë ndërhyrje të fuqishme për kthyer në një stadium me kualitet fushën ku luajmë ndeshjet tona”, tha Idirizi.

Paralelisht me ndërhyrjet në stadiumin “Flamurtari”, pritet që të nisë edhe një tjetër investim në zonen e pyllit të Sodës, aty ku do te jetë një tjetër stadium mbështetës për skuadrën, por edhe fusha sportive. Kjo per faktin se shume shpejt pritet të nisë puna edhe per stadiumin e ri. Rikthimi në “Abissnet Superiore” do të sjellë një Flamurtar më cilësor, që do të luajë në të dyja frontet, në kampionat dhe kupë. E për të arritur këto objektiva, Idrizi ka theksuar se nuk do të kursehet financiarisht.