Dy persona kanë vdekur dhe qindra janë arrestuar në të gjithë Francën, pas festimeve që përfunduan në kaos pas fitores së Paris Saint-Germain në Ligën e Kampionëve. Më shumë se 190 persona u plagosën, si dhe nëntë efektivë të policisë.

Sipas Policisë, u hodhën fishekzjarrë ndaj oficerëve të policisë, dyqanet përgjatë Champs-Élysées u bastisën, strehimoret e autobusëve u thyen dhe makinat u dogjën. PSG fitoi çmimin më të madh në futbollin evropian të klubeve për herë të parë.

491 persona u arrestuan në Paris, ndërsa 68 persona të tjerë u arrestuan jashtë Parisit.

Ministri i brendshëm i Francës, Bruno Retailleau, dënoi aktet e dhunshme të regjistruara.

“Tifozët e vërtetë të PSG po festojnë  për performancën e mrekullueshme të ekipit të tyre. Ndërkohë, barbarët kanë dalë në rrugët e Parisit për të kryer krime dhe për të provokuar zbatimin e ligjit. Është e padurueshme që nuk është e mundur të festosh pa pasur frikë nga egërsia e një pakice banditësh që nuk respektojnë asgjë”, shkroi ai në rrjetet sociale

Rreth 5,400 policë u vendosën në të gjithë qytetin për festimet pas ndeshjes, teksa efektivët përdorën gaz lotsjellës dhe spraj piperi për të ruajtur rendin.

/rtsh.al/