Humbën kontrollin mbi motorin e ujit tek zona e Shkëmbit të Kavajës, humb jetën një turist, një tjetër në spital në gjendje të rëndë

Aktualitet | 1 vit më parë

Një turist ka humbur jetën dhe një tjetër ndodhet në spital në gjendje të rëndë, si pasojë e një aksidenti me Jet Ski në zonën përballë Shkëmbit të Kavajës. Ata u gjetën në det nga Policia Kufitare, teksa dyshohet se turistët, banues në Angli, dyshohet se kanë qenë duke lundruar me një mjet Jet Ski, por gjatë manovrave kanë humbur kontrollin mbi mjetin lundrues dhe kanë rënë në ujë.

Ata u transportuan në port nga Policia Kufitare, por njëri prej tyre, 34-vjeçari me inicialet S. O., kishte humbur jetën, ndërsa shtetasja V. B., 31 vjeçe, u transportua menjëherë për në spital në gjendje të rëndë shëndetësore.

Policia njofton se është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe dokumentimin ligjor të rastit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.