Lushnja e sezonit të ri nis me Xhafën, tekniku rikonfirmohet në krye të skuadrës

Kategoria e Parë | 1 vit më parë

Lushnja bën zyrtarizimin e parë në start të sezonit të ri, që edhe këtë vit e gjen skuadrën myzeqare në Kategorinë e Parë. Kryetarja e Bashkisë së Lushnjës (në të njëjtën kohë edhe presidente e klubit), Eriselda Sefa njofton se trajneri Erion Xhafa do të jetë në krye të skuadrës edhe sezonin e ri.

“Rikonfirmuam në krye të stolit të Klubit të futbollit Lushnja trajnerin Erion Xhafa! Ai do të ketë të gjithë mbështetjen e duhur për të ndërtuar një skuadër të denjë për sezonin e ri futbollistik!

Sportdashësit lushnjarë meritojmë shumë e më shumë, ndaj shpresoj që Xhafa, përfaqësuesit e tjerë të klubit si dhe lojtarët që stafi teknik do të ketë në dispozicion të japë më të mirën për këtë fanellë!”, shkruan në një postim në rrjetet sociale kryetarja e Bashkisë së Lushnjës (në të njëjtën kohë edhe presidente e klubit), Eriselda Sefa.

Erion Xhafa

Lushnja

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.