Veliaj dhe Meta në GJKKO, kryebashkiaku njihet me hetimet dymujore, ish-presidenti kërkon lirinë

Aktualitet | 1 vit më parë

Këtë të martë avokatët e kryebashkiakut, Erion Veliaj dhe biznesmenit, Elman Abule u njohën me informacionin dy mujor mbi ecurinë e hetimeve nga prokuroria e posaçme.

Veliaj nuk ishte i pranishëm në sallë, ndërsa Gjykata e Lartë caktoi datën 8 korrik, në orën 12:00, për shqyrtimin e rekursit të Veliajt për masën e sigurisë.

Apeli i GJKKO la në fuqi sekuestron e apartamentit pranë banesës së çiftit Veliaj – Xoxa.

Sakaq, Gjykata e Posaçme caktoi datën 20 qershor për zhvillimin e seancës për ish-presidentin Ilir Meta, i cili kërkon verifikimin e kushteve të masës dhe zëvendësim të masës së sigurisë “arrest në burg”.

Sipas mbrojtjes, janë shkelur afatet duke kaluar 8 muaj dhe në asnjë rast nuk është paraqitur nga organi i akuzës informacion dy mujor mbi çështjen.

Gazetare: Flutura Tota

/rtsh.al/

elman abule

erion veliaj

gjkko

ilir meta

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.