Merkato, Lewandowski e ka vendosur të ardhmen e tij

Spanjë | 1 vit më parë

A do të jetë Robert Lewandowski një tjetër nga kampionët e mëdhenj që do të largohet nga Europa i tunduar nga ari i Azisë Perëndimore?

Në Arabinë Saudite janë të sigurt se tashmë ekziston një marrëveshje me sulmuesin polak të Barcelonës, e cila do të materializohet sapo të skadojë kontrata e tij me klubin katalanas në vitin 2026.

Deri më tani, si Lewandowski ashtu edhe agjentët e tij kanë mohuar gjithmonë çdo lloj kontakti, duke theksuar se përparësia e vetme e sulmuesit 36-vjeçar ishte të respektonte kontratën që e lidh atë me Barçën të paktën deri në vitin 2026.

Por sipas mediave arabe, dëshira e ish-lojtarit të Bayernit të Mynihut dhe Borussia Dortmund është që të vazhdojë karrierën në ligën arabe dhe sulmuesi ua ka komunikuar këtë gjë agjentëve të tij.

Lewandowski

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.