“Stoli i Anglisë nuk më mungon”, Gareth Southgate merr titullin “Sir”

Angli | 1 vit më parë

Ish-komisari teknik i Anglisë, Gareth Southgate është vlerësuar për kontributin e dhënë në stolin e “Tre Luanëve” pasi mori ditën e djeshme në kështjellën “Windsor” titullin “Sir”.

54-vjeçari udhëhoqi Anglinë në dy finale në Europian (2020 dhe 2024) si dhe në gjysmëfinale të Kupës së Botës 2018.

Ai është trajneri i katërt i Anglisë që nderohet me këtë titull pas Sir Walter Winterbottom, Sir Alf Ramsey dhe Sir Bobby Robson. Sir Gareth hoqi dorë nga posti i tij në stolin e Anglisë pas humbjes që pësuan “Tre Luanët” përballë Spanjës në finalen e Euro 2024.

Në ceremoninë e organizuar në kështjellën “Windsor”, Sir Gareth Southgate kur u pyet nëse i mungonte puna që kishte kryer me “Tre Luanët” tha: “Jo, aspak! Nuk më mungon!”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.