Rusia dëshiron që Irani të vazhdojë bashkëpunimin e tij me Agjencinë Ndërkombëtare të Energjisë Atomike.

Ministri i Jashtëm i Rusisë, Sergei Lavrov, ka kërkuar sot nga Irani që të bashkëpunojë me Agjencinë Ndërkombëtare të Energjisë Bërthamore (IAEA).

Ai ka theksuar rëndësinë e ruajtjes së transparencës ndërkombëtare në fushën bërthamore.

“Ne duam që bashkëpunimi midis Iranit dhe IAEA-s të vazhdojë, ne duam që të gjithë të respektojnë deklaratën e përsëritur të Iranit se ky vend nuk ka dhe nuk do të ketë ndërmend të pajiset me armë bërthamore”, tha Lavrov në një konferencë për shtyp.

Deklarata e Lavrovit vjen vetëm një ditë pasi parlamenti iranian miratoi një ligj që parashikon ndërprerjen e bashkëpunimit me IAEA-n.

Kjo, si kundërpërgjigje sulmeve ajrore izraelite dhe amerikane mbi objektet e armëve bërthamore të Iranit, pas një konflikti 12-ditor me Izraelin.

Ndërkohë, drejtori i përgjithshëm i IAEA-së, Rafael Grossi, deklaroi se prioriteti kryesor i inspektorëve është rikthimi në objektet bërthamore iraniane për të inspektuar dëmet nga sulmet dhe për të monitoruar sasinë e uraniumit të pasuruar në vend.

/rtsh.al/