Shqip
English
Français
Deutsch
Ελληνικά
Italiano
Srpski
TürkçeEnkileda Carja shkëlqen në Madrid, fiton 3 medalje ari dhe vendos rekorde europiane
Peshëngritësja e talentuar shqiptare Enkileda Carja ka shkëlqyer në Kampionatin Europian Under 17 që po zhvillohet në Madrid. Me një paraqitje mbresëlënëse, Carja ka fituar 3 medalje ari dhe ka vendosur 5 rekorde europiane për këtë grupmoshë.
Carja ngriti 91 kg në stilin e shkëputjes, duke zënë vendin e parë në garë dhe duke vendosur rekord europian. Peshëngritësja shqiptare kaloi me sukses provën e dytë me 93 kg, duke konsoliduar vendin e parë.
Në stilin e shtytjes, Cara ngriti 109 kg në provën e parë, duke thyer një tjetër rekord europian. Madje e përmirësoi atë, duke ngritur 111 kg në provën e dytë, duke siguruar kështu një tjetër medalje ari.
Me 204 kg në total, Carja fitoi medalje ari edhe në dygarësh, duke vulosur një sukses historik.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
