Qeveria e Indonezisë ka firmosur një kontratë për blerjen e 48 avionëve luftarakë KAAN të prodhimit turk, në kuadër të përpjekjeve për modernizimin e flotës ajrore ushtarake të vendit.

Marrëveshja u nënshkrua në një panairi të industrisë së mbrojtjes në Stamboll, sipas Ministrisë së Mbrojtjes së Indonezisë.

KAAN, avioni i parë luftarak i projektuar nga industria turke e mbrojtjes, kreu fluturimin e tij të parë testues në shkurt 2024, ndërsa prodhimi serik pritet të nisë jo më herët se viti 2028.

Avioni përshkruhet si i gjeneratës së pestë, me dukshmëri të ulët dhe i pajisur me dy motorë F-110, të ngjashëm me ata të F-16.

Kjo nuk është porosia e vetme e Xhakartës: në vitin 2022, Indonezia porositi edhe 42 avionë Rafale nga Franca, ndërsa është ende në fazë shqyrtimi për blerjen e avionëve J-10 nga Kina dhe F-15EX nga SHBA.

Në kuadër të marrëveshjes me Turqinë, të dyja vendet janë zotuar të bashkëpunojnë në zhvillimin e teknologjive mbrojtëse dhe rritjen e kapacitetit prodhues të industrisë së mbrojtjes indoneziane.

Po ashtu, u nënshkrua një memorandum për blerjen e ardhshme të dy fregatave të klasit Milgem Istif, pa dhënë detaje mbi vlerën financiare të kontratave.

/rtsh.al/