Federata Gjermane e Futbollit vlerëson Shkodran Mustafin, ish-mbrojtësi emërohet zëvendëstrajner i Kombëtares U-21

Gjermani | 1 vit më parë

Shkodran Mustafi është vlerësuar për punën e bërë deri më tani në Kombëtaren gjermane të moshës deri në 17 vjeç, ku punonte si asistent i komisarit teknik Marc-Patrick Meister.

Sipas Federatës Gjermane të Futbollit, 33-vjeçari, prej datës 1 Shtator do të jetë zëvendëstrajner i komisarit teknik të Gjermanisë U-21, Antonio Di Salvo.

“Shkodrani ka treguar gjatë vitit që punoi me ekipin U-17 se mund të ndihmojë të rinjtë që të rriten profesionalisht. Ai njeh shumë prej lojtarëve, me të cilët do të punojë në të ardhmen. Eksperienca e tij e akumuluar në fushë i jep një tjetër impuls ekipit përfaqësues”, tha Drejtori i Përgjithshëm i Federatës Gjermane të Futbollit, Andreas Rettig.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.