Cristian Shpendi risia e Sylvinho-s për ndeshjet e shtatorit

Kombëtarja | 1 vit më parë

Cristian Shpendi ka marrë ftesë zyrtare nga Sylvinho që t’i bashkohet Shqipërisë për takimet e radhës të muajit shtator. Kuqezinjtë do të ndeshen më 4 shtator me ekipin e Gjibraltarit (miqësore) ndërsa pesë ditë më pas sfidojnë Letoninë për tri pikë që vlejnë në fushatën e Eliminatoreve të Botërorit 2026.

Për këto dy takime skuadra e lista e komisarit teknik brazilian ka një risi të sigurt pasi përtej Adriatikut janë njoftuar për ftesën që i ka ardhur Cristian Shpendit nga Kombëtarja e rriturve.

Ambienti kuqezi nuk është diçka e re për sulmuesin e talentuar të Çezenës, i cili ka veshur fanellën e Kombëtares U-21 në tetë precedentë ku ka shënuar edhe një gol. Ftesa e Sylvinho-s është një vlerësim për Shpendin, i cili me Çezenën ka shënuar 37 gola në 103 takime.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.