Ardon Jashari për Milanin: Ky klub meriton të jetë në krye

Futboll Bota | 1 vit më parë

Mesfushori i ri i Milanit, Ardon Jashari, foli për objektivat e kuqezinjve për këtë sezon: “Nuk flasim për kualifikimin në Ligën e Kampionëve në vetvete, por të gjithë e dimë se cili është objektivi ynë. Ky klub meriton të jetë në krye të tabelës, duhet të punojmë shumë dhe të fitojmë sa më shumë ndeshje të jetë e mundur. Në këtë mënyrë, do të arrijmë edhe në Ligën e Kampionëve”.

Lidhur me humbjen në ditën e parë të Serie A, ai shtoi: “Është e rëndësishme të kemi një fillim të mirë, veçanërisht për një klub të madh si Milani, por është më mirë që humbja erdhi në ditën e parë, kështu që e dimë sa e vështirë do të jetë. Lojtarë të tjerë e kanë kaluar tashmë këtë, por ishte një thirrje zgjimi për të gjithë”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.