Luis Figo “tradhëton” edhe Real-in: Do të doja të kisha firmosur për Atlético Madrid!

Futboll Bota | 1 vit më parë

Në karrierën e tij të gjatë (1990-2009) Luis Figo luajti për skuadra si Sporting CP, FC Barcelona, Real Madrid dhe Inter. Në 657 ndeshje ai shënoi 119 gola dhe dhuroi 222 asiste ndërsa fitoi edhe “Topin e Artë 2000”.

Përveç aspektit sportiv portugezi do të mbahet mend gjatë për transferimin e tij nga Barcelona në Madrid. Ndërsa sot vetë Figo rrëfen se do të kishte dashur që të vishte edhe një tjetër fanellë, atë të rivalëve të qytetit të Real-it.

“Do të më kishte pëlqyer shumë që të luaja për Atletico-n. Filozofia e tyre e lojës, stadiumi dhe atmosfera që krijohet atje më kanë tërhequr gjithmonë. Gjithmonë ka qenë speciale”, tha Figo.

Në fjalën e tij portugezi shpjegon se do të kishte dashur që të kishte qenë protagonist edhe i derbit të Sevijës duke saktësuar se nuk kishte preferenca se cilat ngjyra do të mbronte.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.