Sinner apo Alcaraz është më i fortë? Ja mendimi i Rafa Nadal

Sport | 1 vit më parë

“Sinner krijon një ritëm me goditjen e tij që është shumë i vështirë për t’u ndjekur. Alcaraz është më magjik, më i paparashikueshëm”. Këto janë fjalët e Rafael Nadal, i cili në një intervistë për ‘The Athletic’ shpjegoi ndryshimet kryesore midis numrit 1 dhe numrit 2 në botë. “Sinner është shumë i shpejtë në goditjen e topit dhe është i shpejtë në kalimin nga mbrojtja në sulm”, tha Nadal.

“Alcaraz, nga ana tjetër, mund të luajë në një nivel që Jannik ndoshta nuk mund ta bëjë. Më pëlqen ai, është shumë argëtuese të shikosh Carlosin të luajë sepse ai mund të prodhojë gjëra të pabesueshme. Por, në të njëjtën kohë, ai bën edhe më shumë gabime. Shkurt, ai mund të luajë më mirë, por mund të luajë edhe më keq. Bëhet fjalë për gjetjen e ekuilibrit”, përfundoi 22 herë kampioni i Grand Slam.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.