Lajme të mira për futbollin në Lezhë. Ka marrë jetë “Besëlidhja e Re”. Pjerin Fusha është zyrtarizuar si president i klubit, Elvis Plori si trajnet dhe Renato Malota si drejtor teknik i ekipit. Skuadra lezhjane, që militon në Kategorinë e Dytë, synon që të rikthehet sa më shpejt në majat e futbollit shqiptar.

Ka qenë kryetari i Bashkisë së Lezhës, Pjerin Ndreu, ai që ka ndarë lajmin në rrjetet sociale.  

“Sot, në një takim miqësor, u prezantua zyrtarisht Pjerin Fusha si president i ekipit të futbollit “Besëlidhja”. Falenderoj mikun tim Pjerin Fusha për marrjen përsipër të këtij angazhimi, që i jep klubit tonë një energji të re dhe një vizion të qartë për të ardhmen.

Në bashkëpunim me trajnerin Elvis Plori dhe lezhjanin Renato Malota, tashmë drejtor teknik i ekipit, jemi të bindur se do ta çojmë Besëlidhjen aty ku e meriton, në vendin që i takon.

Një mbështetje e veçantë për të gjithë djemtë e ekipit, që me pasion e përkushtim do ta qojnë ekipin e Besëlidhjes aty ku i ka hije, ne Superligë.

Bashkia Lezhë do të jetë gjithmonë pranë ekipit tyre, sepse vetëm së bashku do të arrijmë suksese të mëdha”, shkruan në një postim në rrjetet sociale kryetari i Bashkisë Lezhë, Pjerin Ndreu.