Napoli nuk gabon, Hojlund shënon në debutim

Futboll Bota | 1 vit më parë

Napoli nuk gabon, tri fitore në tri ndeshje, në të fundit mposhti Fiorentinën 3-1. Nën shiun e stadiumit Artemio Franchi, të kaltërit e Contes deshën vetëm pak minuta për të bërë të qarta qëllimet e tyre, De Bruyne zhbllokoi sfidën me një penallti (6′).

Hojlund më pas festoi rikthimin e tij në Serie A me një gol në minutën e 14-të, një goditje e saktë me të djathtën që e la De Gean pa asnjë shans.

Në pjesën e dytë, Beukema (51′) shënoi të tretin me një goditje fituese, dhe më pas kapiteni Ranieri e ngushtoi diferencën në minutën e 79-të. Por kjo nuk ishte e mjaftueshme për toskanët, me napolitanët që bëjnë tre nga tre për të konfirmuar vendin e tyre të parë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.