Aksident në Lezhë- Makina përfundon në kanal, plagosen dy gra

Aktualitet | 1 vit më parë

Dy gra mbetën të plagosura në Lezhë, pasi automjeti me të cilin udhëtonin doli nga rruga dhe u përmbys në një kanal.

Aksidenti ndodhi rreth orës 14:30, në aksin që lidh fshatin Kallmet me superstradën Lezhë–Shkodër, kur drejtuesja e një automjeti tip “Benz” humbi kontrollin e mjetit.

Për shkak të përplasjes dhe rrotullimit, makina pësoi dëmtime të konsiderueshme, ndërsa pasagjeret mbetën të bllokuara.

Në vendngjarje mbërritën menjëherë dy autoambulanca dhe zjarrfikësit, të cilët ndërhynë për të nxjerrë jashtë autoveturës dy të lënduarat, të cilat u transportuan menjëherë drejt spitalit të Lezhës, ku fatmirësisht ndodhen jashtë rrezikut për jetën.

Policia po heton shkaqet e aksidentit.

/rtsh.al/

aksident

lezhe

plagosje

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.