PS kërkon shkarkimin e Erion Veliajt, Këshilli Bashkiak i Tiranës mblidhet më 23 shtator

Politikë | 1 vit më parë

Këshilltarët socialistë të Bashkisë së Tiranës u mblodhën në selinë e Partisë Socialiste për të diskutuar lidhur me vijimin e procedurave për shkarkimin e Erjon Veliajt nga posti i kreut të bashkisë.

Mësohet se argument për këtë nismë është mungesa e tij në detyrën si kryebashkiak prej 3 muajsh, me Veliajn, i cili nga 10 shkurt i këtij viti ndodhet në paraburgim.

Në takim është rënë dakord që më 23 shtator, në orën 16:00, të zhvillohet mbledhja e Këshillit Bashkiak të Tiranës, për të shqyrtuar kërkesën që këshilltarët e majtë pritet ta dorëzojnë në bashki.

Mbledhja në selinë e PS, u mbajt për gati një orë e gjysmë dhe u drejtua nga Kryetarja e Këshillit Bashkiak, Megi Fino dhe kryetari i grupit socialist në Bashkinë e Tiranës, Eridian Salianji.

Gazetar: H. Mahmutaj

/rtsh.al/

erion veliaj

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.