“Kur ndjenjat marrin zë”, sopranoja Ermonela Jaho hap sezonin e ri në TKOB

Kulturë | 1 vit më parë

Sopranoja shqiptare me famë botërore, Ermonela Jaho, entuziazmoi mbrëmjen e 17 shtatorit publikun në kryeqytet me koncertin gala “Kur ndjenjat marrin zë”, në skenën e Teatrit Kombëtar të Operës dhe Baletit.

Para një salle të mbushur plot, Jaho u rikthye një vit pas koncertit të fundit, duke dhuruar një udhëtim të rrallë muzikor me interpretimin e saj të ndjerë.

Ky koncert, që shënoi edhe hapjen e sezonit të ri artistik të TKOB-it, erdhi nën dirigjimin e maestro Fabrizio Maria Carminati dhe me pjesëmarrjen e korit e orkestrës së Teatrit Kombëtar të Operës dhe Baletit, si dhe dirigjentit të korit Dritan Lumshi.

Programi i përzgjedhur, me sfida të reja për skenën shqiptare, solli emocione të fuqishme për publikun, që e ndoqi Jahon në çdo notë, buzëqeshje e lot të saj muzikor.

Gazetare: Katerina Kule

/rtsh.al/

ermonela jaho

TKOB

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.